بسم الله الرحمن الرحيم
احبابى - اهل بلدى - دا اول رد او مشاركة منى فى منتدى القصرية
توكلنا على الله

فى شىء بجد بيزعلنى من اناس كتيرة - كل واحد من البلد يكلمنى يقولى متعرفشى نسخة نضيفة ؟

عفوا مفيش شىء اسمة نسخة نضيفةأو ..........

هى النسخة بتبان و هى بتنزل لة فى مشكلة فى بعض الملفات هتعطيك رسالة بتقولك ان الملف Missing

دا اول شىء حبيت اقولة

و بعدين اخونا القصاروة الطيبين - كل حبة ينزل نسخة على الجهاز بسبب او من غير سبب .
يعنى ممكن واحد طهقان و مش لاقى حاجة يعملها يقوم ينزل نسخة - والله دا من لسان احد اصدقائى - ههههه بجد شىء مضحك
دا حتى مايكروسوفت وضعت لك خيار ممكن من خلالة تصلح السيستم النازل -
تصدقوا انا السيستم عندى شغال بقالة سنتين - طيب لية مش بعمل ذى ما بتعملوا - كمان ممكن بالخطا تضيع الـData بتاعتك - ذى ما فى واحد حبيب على قلبى جدا و ربنا يبارك له و يرده سالم - عمل معايا - ضيع لى بيانات عمرها 10 سنوات بجمع فيها -هههههههههههههه
معلش حبيت اوضح للناس الموضوع ده

اما بخصوص الشاشة الزرقاء - معروف لنا الناس اللى شغاله فى التخصص ان نظام مايكروسوفت من اخيب انظمة التشغيل - ليه لان مايكروسوفت بتعمل ذى المدام اللى عازمة مجموعة من الناس الساعة مثلا 6 مساءا و بعدين هى خايبة جات الساعة 6 و مخلصتش - فتعمل ايه ؟؟؟؟؟؟؟


بتكروت طابعا - بيطلع الاكل نصف سوى
الله يمسيكى بالخير ييا امى - وحشنى اكلك بجد- هههههههههههه -

بالظبط مايكروسوفت بتعمل كده
بتنزل نظام التشغيل و بيكون فيه عيوب فتبدأ - ترئع فيه - sorry فى اللفظ

فبتنزل من فترة للتانية حاجة اسمها Service Pack و طبعا بتكون اصدارات

فعلشان تتلافى الموضوع بتاع الشاشة الزرقاء - تعمل ايه
1- نزل تحديثات الجهاز اولا باول و ركب Service Pack الاخيرة
2- الفيروسات - بصراحة مستنقع فيروسات فى القصرية - حتى لما نزل ما سلم جهازى من فيروسات القصرية
3- و دى الاهم - كتير بيحطل Drop فى الت Memory بمعنى اخرى بتمتلى الـmemory و بيلجىء الـWindows الى شىء اسمة V Memory - و دى بتكون عادة 1.5 مرة من القيمة الخاصة بالـPhysical Memory و يجب ان تخلى بالك من قيمتها - طيب اذاى اعمل لها Adjustment

هنعرفها من المره القادمة لو وجدت فى استجابة من اللى بكتبة - علشان بيقاش عامل ذى اللى بينفخ فى أربة .......